HANGGANG DITO NALANG
by: Melanie Mataga Magculang

Habang sinusulat ko ito

Ang puso at isipan ko’y nalilito

Hindi ko alam bakit nagkakaganito

Pero natitiyak kong ikaw ang nagdulot nito

Ikaw lang ang aking kailangan

Walang halong alinlangan

Ngayon, bukas, at magpakailanman

Ang pag ibig ko sayo’y walang hangan

Subalit ngayon ano itong nadarama

Ang buhay ko’y naging drama

Akala ko ang mahalin ka ay tama

Pero bakit ganito ang iyong ipinadadama

Pahalagahan ako’y di mo kaya

Sa piling mo ay hindi malaya

Ibang mga lalaki ay iyong kagaya

Inyong iniibig ay hindi masaya

Walang oras hindi nagkakatampuhan

Relasyon nating walang patutunguhan

Kundi ang araw araw na bangayan

Hanggang mapunta sa hiwalayan        

Puso ko’y nagdadalamhati

Sa inaakalang ako’y may kahati

At hindi na maibabalik pa ang dati

Ang pagmamahal na binuo dati rati

Damdamin ko’y naghihinagpis

Walang araw hindi kita namimiss

At hinding hindi kita matitiis

Sa pagkat minamahal kita ng labis

Katotohana’y tanggapin na lamang

Na tayo’y hanggang dito na lang

Ang pag ibig nating isinalang alang

Isang masayang ala ala nalang

Kung ako’y iyong tatanungin

Mananatili o ika’y iiwan ang pagpipiliin

Kasaguta’y wag hintayin

Kahit masakit man para sa akin

IKA’Y AKING PAPALAYAIN…  😭 😭 😭