SAMPUNG TALUDTURAN PARA SA AKING NARARAMDAMAN

by: Melanie Mataga Magculang

Una

Pangarap at pag ibig ang iyong pagpipiliin

Sarili mo ay hindi na kailangang hatiin

Batid kong pangarap ang iyong uunahin

At hindi na kita muling gagambalahin

Pangalawa

Hangad kong iyong pagbutihin

Upang makamtam mo ang iyong mithiin

Wag mo na sana akong alalahanin

At magpatuloy sa iyong adhikain

Pangatlo

Ang pangako ko’y aking tutuparin

Na sa iba ay hindi kailanman titingin

At wala na akong iba pang hahanapin

Sapagkat ikaw lang ang aking iibigin

Pang apat

Hanggang kailan kita kayang hintayin

Katanungang ang hirap sagutin

Puso't isipan koy alanganin

Ano nga ba ang dapat sambitin

Panglima

Ako’y hindi mo na binigyan ng pansin

Natapos ko na ang ilang awitin

Hindi pa rin ramdam ang dati mong pagtingin

Na sa akin mo lang binabalin

Pang anim

Araw araw sa kalungkot ako'y iyong papatayin

Pinapangarap na muli kang akbayin

O sinta, kailan ka ba babalik sa akin?

At ang ating kwento ay umpisahan ulit natin

Pang pito

Pinangako sayong ikaw lang ang mamahalin

At kailan man ay hindi ka lolokohin

Ngunit gusto ko sana sayong aminin

Ako’y nahulog na sa iba ng hindi ko pansin

Pang walo

Maging ako’y hindi ko sukat akalain

Na hindi ka mapapasaakin

Ngunit sa may kapal aking hihilingin

Na hindi tayo para sa isa’t isa’y tanggapin

Pang siyam

Ika’y huwag sanang magalit sa akin

Ako sana ay iyong muling patawarin

Mahirap man sa sarili kong aminin

Ngunit manatili sayo’y wag ng pilitin

Pagsampo
Pagmamahalan ay atin ng wakasin
Ang isa’t isa ay atin ng palayain
Sarili nati’y wag limitahin
Tunay na kasiyahan ating hagilapin